Breaking News

உங்கள் படைப்புகளை சகாப்தத்தில் பதிவிட விரும்பினால் sahaptham@gmail.com என்கிற மெயில் ஐடிக்கு தொடர்பு கொள்ளுங்கள்.

Forum

Notifications
Clear all

Thodarum Marmangal 03  

  RSS

Puthiyavan
(@puthiyavan)
Active Member Writer
Joined: 2 years ago
Posts: 12
10/12/2019 3:47 pm  

தொடரும் மர்மங்கள்! 03

 

 

புதியவன் அலுவலக கதவைத்திறந்து உள்ளே நுழைந்தான்.

தயாரிப்பாளருக்கு வணக்கத்தை கூறிவிட்டு அவருக்கு எதிரே இருக்கும் நாற்காலியில் அமர்ந்தான். தயாரிப்பாளரும், புதியவனும் ஒருவருக்கொருவர் நலம் விசாரித்துக் கொண்டார்கள்.

செல்வன்: உங்களது முதல் திரைப்படம் வெற்றி பெற்றதற்கு எனது வாழ்த்துக்கள்!

"ரொம்ப நன்றி சார்"

"உங்களது இரண்டாவது திரைப்படம் நமது தயாரிப்பில் தான் வெளியாக வேண்டும். அதற்காகத்தான் உங்களை உடனடியாக வரச்சொன்னேன்"

"என்ன ரொம்ப யோசிக்கிறீங்க புதியவன்."

ஒன்னும் இல்லை சார்!

ஏன்? வேறு எதுவும் தயாரிப்பு நிறுவனத்திற்கு ஒப்பந்தம் ஆகி விட்டீர்களா?

இன்னும் இல்லை சார்!

அப்புறம் ஏன் இந்த யோசனை?

நான் இன்னும் இரண்டாவது கதைக்கு தயாராகவில்லை?

பரவாயில்லை புதியவன். நேரம் எடுத்துக் கொள்ளுங்கள். ஆனால் ஒன்று உங்கள் முதல் திரைப்படத்தை போன்று இந்த திரைப்படமும் பெண்கள் சார்ந்த இருக்க வேண்டும். உங்களின் கருத்துக்கள் மக்களிடம் வெகுவாக சென்றடைந்துள்ளது. அதுவே உங்கள் முதல் திரைப்படத்தின் வெற்றியாக நான் பார்க்கிறேன். ஃபீமேல் ஓரியண்டட் ஸ்டோரிதான் இப்போது ட்ரெண்டாகும் இருக்கிறது. நான் என்ன சொல்லுகிறேன் என்று உங்களுக்கு புரிந்திருக்கும்.

புரிகிறது சார்! விரைவில் ஒரு நல்ல கதையுடன் உங்களை வந்து சந்திக்கிறேன்.

நல்லது புதியவன். உங்களுக்கு எந்த உதவியாக இருந்தாலும் என்னிடம் தயங்காமல் கேட்கலாம். உங்களுக்கு கதை எழுதுவதற்கான வசதிகளை நான் செய்து தருகிறேன்.

நீங்களே சொல்லுங்கள் உங்களுக்கு விருப்பமான பகுதி எது?

எனக்கு அமைதியான சூழல் இருக்கக்கூடிய பகுதியாக விரும்புகிறேன். அதனால் வயநாடுக்கு சென்று கதை எழுதி வருகிறேன்.

சரி புதியவன்! நீங்கள் வயநாட்டில் தங்குவதற்கான அனைத்து வசதிகளும் ஏற்பாடு செய்கிறேன். எனது நண்பனின் கெஸ்ட் ஹவுஸ் ஒன்று அங்கு உள்ளது. அதில் தங்குவதற்கான வசதிகளை செய்து தருகிறேன். மேலும் நீங்கள் செல்வதற்கான பயண தயாரிப்புகளை செய்து கொள்ளுங்கள். எனது மேனேஜர் உங்களுக்கான உதவிகளை செய்து தருவார்.

ரொம்ப நன்றி சார்! நான் வருகிறேன். மீண்டும் சந்திப்போம்.

அங்கிருந்து கிளம்பிய புதியவன் தனது அறைக்கு சென்று உடைகளை எடுத்துக்கொண்டு வயநாடு கிளம்புவதற்கான ஆயத்த பணிகள் இறங்கினான்.

சிறிது நேரத்திற்கு பிறகு:

மேனேஜர் அருணின் இடமிருந்து புதியவனுக்கு அழைப்பு வந்தது.

அழைப்பை ஏற்றான் புதியவன்.

ஹலோ சார்! நான் மேனேஜர் அருண் பேசுகிறேன்?

சொல்லுங்க சார்!

உங்களுக்கு இன்று மாலை சென்னை விமான நிலையத்திலிருந்து கண்ணுருக்கு விமான டிக்கெட்டும், அங்கிருந்து வயநாடு செல்வதற்கு வாகனம் ஏற்பாடு செய்துள்ளோம்.

ஓகே சார்!

நீங்கள் மாலை 5 மணிக்கு தயாராக இருங்கள். உங்களை நான் வந்து  விமான நிலையத்திற்கு அழைத்துச் செல்கிறேன்.

சரி ஓகே சார் என்று புதியவன் அழைப்பை துண்டித்தான். 

நேரம் ஓடியது. புதியவன் பயணத்துக்கான தயார் நிலையில் இருந்தான்.

மாலை 5 மணி:

ரூமுக்கு வெளியே வாகனம் வந்து நின்றது! அருண் தனது தொலைபேசியை எடுத்து புதியவனுக்கு அழைப்பை விடுத்தான்.

சார் ரூமுக்கு வெளியே நிற்கிறேன்! என்று கூறிவிட்டு அழைப்பைத் துண்டித்தான்.

புதியவன் தனது உடைமைகளுடன் காரில் வந்து ஏறினான். அருண் காரை விமான நிலையத்தை நோக்கி செலுத்தினான்.

அருண் "புதியவனை விமான நிலையத்தில் இறக்கிவிட்டு தனது வீட்டை நோக்கி புறப்பட்டான்.

புதியவன் விமான நிலையத்திற்கு உள்ளே சென்றான். பரிசோதனைகளுக்குப் பிறகு தனது விமானத்தில் ஏறி கண்ணுரை நோக்கி பயணம் புறப்பட்டான்.

கண்ணுரை வந்து அடைந்த புதியவன் அங்கிருந்து நான்கு மணி நேர பயண தூரத்தை அடைய வேண்டியது இருந்தது.

காரில் ஏறி அமர்ந்த புதியவன் தனது கதைக்கான கருவை யோசிக்கத் தொடங்கினான்.

முதல் கதையில் இருந்த சுவாரசியங்களை இந்த கதையிலும் கொண்டுவரவேண்டும் என்றும், எதிர்பாராத திருப்பங்களுடன் மர்மங்களை உள்ளடக்க வேண்டுமென்றும், திரைக்கதையில் வேகத்தையும் அமைக்க வேண்டுமென்ற முடிவை தன் மனதில் ஏற்றுக் கொண்டான்.

இருந்தாலும் கதைக்கான கலங்கள் எதுவும் மனதில் தோன்றவில்லை. நீண்ட யோசனையில் அவன் அடைய வேண்டிய வயநாடு வந்து சேர்ந்தது.

இரு தினங்களுக்கு பின்பு:

புதியவன் தனது இரு தினங்களில் கதைக்கான எந்த கருவும் புலப்படாமல் மிகுந்த வருத்தத்தில் இருந்தான். தனது ஆழ்ந்த சிந்தனைகளை கதையின் கருவை நோக்கி நகர்த்திக் கொண்டிருந்தான்.

ஊட்டி: Present Day

திரும்பிய வாகனம் ஹோட்டலை அடைந்து மொபைலை பெற்றுகொண்டு மேரேஜருக்கும், சர்வருக்கும் நன்றியினை கூறிவிட்டு வினிதா மொபைல் உடன் காரில் வந்து ஏறினாள்.

மீண்டும் கார் வயநாடு நோக்கி சென்றது....!!

பின்தொடர்ந்த காரும் வினிதாவின் காரை நோக்கியது....!!

வேகமாக சென்ற வினிதாவின் கார் சிறிது நேரத்தில் கூடலூரை வந்து அடைந்தது. டீ குடிப்பதற்காக காரை ஓரமாக நிறுத்தினாள்.

காரில் இருந்த அனைவரும் டீ கடையை நோக்கி விரைந்தனர்.

பின்னால் துரத்தி வந்த காரும் சிறிது இடைவெளிக்கு முன்பு நிறுத்தப்பட்டது.

காரிலிருந்து இறங்கிய ஒரு உருவம். கருப்பு நிற ஜாக்கெட் அணிந்து கொண்டு, அந்த ஜாக்கெட்டின் கேப்பை தலையில் அணிந்திருந்த அந்த உருவம் வினிதாவின் காரை நோக்கி விரைந்து வந்தது.

தொடரும் மர்மங்கள்!!!!!

 
 
 
 
 
This topic was modified 12 months ago by Puthiyavan

Quote
Topic Tags




Share: