Your browser does not support JavaScript!

லாகின் செய்வதில் சிரமம் இருப்பவர்கள் தொடர்பு கொள்ள வேண்டிய மின்னஞ்சல் - [email protected]


நீ கொடியானால் நான் மலராவேன்...

Status
Not open for further replies.

Subageetha Sundararajan

Sugee
Vannangal Writer
Team
Messages
129
Reaction score
39
Points
63
கொடிமலர் 30

ராமின் வாழ்க்கை ஒருவாறு அமைதியாக செல்ல தொடங்கியது. எந்த ஆராவாரமும் இல்லை... சண்டை பூசல்களும் இல்லை. காரணம் நந்தா ராம் இருவரும் பேசிக்கொள்வேதே கிடையாது.

ராம் மனதளவில் நந்தாவை வெறுக்கத் தொடங்கியிருந்தான். இருவருக்கும் இடையில் பிரச்சனைகள் தங்களால் வரவேண்டாம் என்று இரு பக்க உறவுகளும் விலகிக் கொண்டார்கள். யாரும் வீட்டிற்கு வருவதும் இல்லை. அலுவலகத்தில் சித்தி சித்தப்பா, கசின்களை பார்ப்பான். சில சமயங்களில் அப்பா வருவார். அவர் தன் தம்பி வீட்டில் தங்கிவிடுவார். அலுவலகம் சென்று பார்க்கும் பொழுதுதான் அப்பா வந்திருக்கிறார் என்பது தெரியும்.

அத்தை சென்னையில் இருந்து வந்தாலும் லீலாவதி வீட்டில் தாம் தங்குவது. ராம் குழந்தையை அழைத்து சென்று பார்த்து வருவான்.

ராமின் இன்னொரு சித்தப்பா மகளுக்கும் குழந்தை பிறந்திருக்கிறது. இவனும் தாராவுடன் போய் பார்த்து வந்தான்.
அந்த குழந்தை அனுபவிக்கும் சீராட்டல் தாராவுக்கு கிட்டவில்லை. குடும்பம் முழுவதும் அந்த குழந்தையுடன் கொஞ்சி கொண்டு இருக்க ராமுக்கு மனதில் புழுக்கம். தானும் தன் மகளும் இனி தனிதான் என்று முடிவு செய்து கொண்டான்.

அவனை பெற்றவர்கள் கூட அவனை தள்ளி நிறுத்தி வைப்பது போன்ற எண்ணம் அவனுக்குள். எல்லோரும் இப்படி என்னிடம் நடக்க நந்தா தான் காரணம் என்று தோன்றியது.

போறாத குறைக்கு முன்பு போல் ஷியாம் சியா இவனிடம் நெருங்கி பழகவில்லை. அவர்கள் மனதிலும் கணவர் மனைவி இருவரும் இப்போதுதான் ஒன்றாக வாழ தொடங்கி உள்ளார்கள். நாம் நடுவில் வேண்டாம் எனும் எண்ணம்.

முன்பெல்லாம் தொழில் விஷயம் பேச ஷ்யாம் அலுவலகத்திற்கு ராம் செல்வான்.
இப்போது எல்லாம் ஷியாம் இவனை பார்க்க வந்து விடுகிறான்.

மருத்துவமனை சம்பவத்தை மனதில் வைத்து சியா ராமை பார்ப்பதை தவிர்க்கி றாள். நந்தா தன் மனைவி பற்றி என்ன நினைத்து பேசுகிறாள் என்பது ஷ்யாமுக்கு தெரியும். அதனால் சியாவை ஷியாம் வற்புறுத்தி ஏதும் செய்யவைக்கவில்லை.

இந்த நிலையில் தாரா வின் முதலாம் பிறந்தநாள் வந்தது. ஆர்ப்பாட்டமாய் செய்ய ராமுக்கு கொள்ளை ஆசை. நந்தாவிடம் இதை பற்றி பேச, அவளுக்கு இதில் எல்லாம் விருப்பம் இல்லை என்றுவிட்டாள்.
ராமுக்கு என்ன சொல்வது என்றே தெரியவில்லை. ஆசையாக பெற்று வளர்க்கும் ஒரே மகள் அவள். இத்தனை பணம் இருந்தும் பிறந்தநாள் விழாவை கூட சரியாக கொண்டாட முடியவில்லை என்றால் இந்த பணத்தினால் தான் என்ன பயன்?

அவன் மனம் ஊமையாய் கதறியது.
நந்தாவை ஒதுக்கிவிட்டு இந்த விழாவை செய்ய முடியாது என்று புரிந்தவன் "அட்லீஸ்ட் வீட்டு மனுஷங்க வரைக்கும் கூப்பிட்டு, தாராவோட பர்த் டே செலிப்ரேட் பண்ணலாமே!" என்றான்.

"ம்ம்ம்... நான் யோசிச்சு சொல்றேன் ராம்" என்றவளுக்கு வீட்டு மனிதர்களை அழைத்து கொண்டாடுவதில் கூட விருப்பமில்லை.
ஆனால் இதற்கு மேல் ராம் இறங்கி வர மாட்டான் என்று அவளுக்கு தெரியும்.
இரண்டோர் நாட்கள் கழித்து,
"ஓகே ராம். செலிப்ரேட் பண்ணலாம். பட் கிரவுட் கூப்பிட வேண்டாம் " என்று விட்டாள்.


நெருங்கிய உறவுகளுக்கு மட்டும் அழைப்பு விடுத்தவன், ஷ்யாமிற்கு தகவலாகவே சொன்னான். "ஷியாம், தாராவுக்கு பர்ஸ்ட் பர்த்டே வருது. ஸோ, வீட்டோட செலிப்ரட் பண்ண முடிவு பண்ணியிருக்கேன். சியாகிட்டயும் சொல்லிடு ".

ராமின் நிலையில் அவனால் வேறு எதுவும் செய்ய முடியாது.
நந்தா இருக்கும் இடத்திற்கு தனது மனைவியை கூட்டிக் கொண்டு செல்ல ஷியாம்மிற்கும் விருப்பம் இல்லை தான்!

" தாரா அவ்ளோ வளந்துட்டாளா... மை லிட்டில் ஸ்வீட் கியூட் பை ". நா நிச்சயம் சியாகிட்ட சொல்லிடுறேன் ராம் " என்ற ஷ்யாமை கட்டிக்கொண்டான் ராம்.

அவனை முதுகில் ஆதாரவாய் தடவிக்கொடுத்த ஷ்யாம் உணர்த்தது ராமின் கண்ணீர் துளியை.

" டோன்ட் பி ஸில்லி ராம்.. இப்போ எதுக்கு அழறே... வி ஆல் ஆர் ஹியர்,வித் யூ மேன் ... என்றான். ராமின் கண்ணீர் மெல்ல மட்டுப் பட்டது.

ஷியாம் மனதில் இனம் புரியாத வருத்தம் மிஞ்சியது. அவனால் இந்த விஷயத்தில் செய்யக் கூடியது ஒன்றும் இல்லை.

விடை பெற்ற ராமும் மனதளவில் மிகுந்த சோர்வாக உணர்ந்தான். அவனால் காரை ஓட்ட முடியும் என்று தோன்றவில்லை.ஷ்யாமின் அலுவலகத்தில் காரை நிறுத்திவிட்டு, ஒரு வாடகை காரை வரவழைத்துக் கிளம்பினான். வீட்டின் ஜன்னல் வழியே பார்த்துகொண்டிருந்த சியா அலுவலக டிரைவர் மூலம் ராமின் காரை அலுவலகத்தில் விட்டுவர செய்தாள்.

ராமை பார்த்து பேசுவது அவளுக்கு கொஞ்சம் தயக்கமாக இருந்தது.

லீலாவதிக்கு போன் செய்தவள்,
" ஆன்டி, ராம் இங்க ஆபீஸ்ல அவரோட காரை விட்டுட்டு கேப் எடுத்துக்கிட்டு கிளம்பிட்டாரு. நா இங்க ஆபீஸ் டிரைவர்கிட்ட காரை உங்க ஆபீஸ்ல விட அனுப்பியிருக்கேன். ஐ திங்க் ராம் இஸ் நாட் இன் அ ரைட் மூட் டு டிரைவ். ஸோ, ப்ளீஸ் அவருக்காக ஒரு டிரைவர் அர்ரேன்ஜ் பண்ணுங்க " என்றுவிட்டாள். ஷ்யாம் மூலம் தாராவின் விழா பற்றி மறந்தும் கூட லீலாவதியிடம் கேட்டாள் இல்லை.

லீலாவதியும் அதைப் பற்றி எல்லாம் சியாவிடம் பேச்சு வளர்க்கவில்லை.

அவனை சேர்ந்த எல்லோருமே ராம் பற்றி கவலை கொண்டிருக்க, அவன் வாழ்வு நன்றாக அமைய வேண்டுமே என்ற எண்ணத்துடன் கொஞ்சம் நகர்ந்து இருக்க, ராமிடம் மனதிலோ எல்லோரும் நம்மை மொத்தமாக ஒதுக்கி வைத்து விட்டார்கள் என்ற எண்ணம். மனதளவில் அவன் தனிமையை உணர தொடங்கி விட்டான்.

அவன் கூடு அவனும் அவன் மகவும் என சுருங்க ஆரம்பித்தது.

விழா அன்று, இருபக்க உறவுகளாக மொத்தம் வந்திருந்தவர்களின் எண்ணிக்கை மொத்தம் நாற்பதை தாண்டவில்லை.

எல்லா ஏற்பாடுகளையும் ராம், உறவுகளின் துணை இல்லாமல், மனைவியின் சகாயமும் இல்லாமல் தானே எடுத்துச் செய்தான். யாரும் தனக்கு ஏதும் செய்ய வேண்டாம் என்று நினைக்க ஆரம்பித்து விட்டான்.

காலை குழந்தைக்கு நலுங்கு வைப்பதில் இருந்து உணவை குழந்தைக்கு ஊட்டுவது வரை எல்லாமே அவன் பொறுப்பானது.
'விழா நாள் அன்று எதுவும் ரசாபாசமாகிவிட வேண்டாம்' என்று ராமின் உறவினர்கள் விழாவின் காலையில் தான் வந்தார்கள்.

ஏன்,நந்தாவின் பெற்றோருமே ஒரு ஹோட்டலில் ரூம் புக் செய்துவிட்டார்கள்.

ராமின் வீட்டில் மூத்த உறவினர்களுக்கு இந்த குழந்தை எப்படி வளரவேண்டிய குழந்தை.. இப்படி..
என்று மனது தவித்தது.
இந்த குடும்பத்தில் மூத்த இளவரசி இந்த குட்டித் தாரகை.. எவ்வளவு சிறப்பாக கொண்டாடவேண்டிய கொண்டாட்டம் இது.. என்று எல்லோரும் நினைக்க, நந்தா எதையும் கண்டுகொள்ளாமல் இருந்தாள். வீட்டுக்கு வந்தவர்களை வா என்று அழைக்கவும் அவளுக்கு விருப்பம் இல்லை.

சியா ஏன் வரவில்லை என்று உள்ளுக்குள் யோசனை ஓடியது நந்தா மனதில்.

இவள் இப்படித்தான் என்று எல்லோரும் விட்டுவிட்டார்கள். ராம் பல்லை கடித்து பொறுமை காத்தான்.

விழா பிரச்சனை ஏதும் இல்லாமல் அமைதியாக முடிந்தது. நந்தா தான் பாட்டிற்கு சாப்பிட்டுவிட்டு தன் அறைக்குள் புகுந்து கொண்டாள்.

ராமின் பாட்டி உட்பட சாப்பிட்டுவிட்டு, சிறிது நேரம் குழந்தையை கொஞ்ச நேரம் கொஞ்சி விட்டு கிளம்பிவிட்டார்கள்.
விழா முடிந்து காண்ட்ராக்ட்டில் வேலை செய்பவர்கள் வீட்டை சுத்தம் செய்து தந்தார்கள்.

மதியம் சமையல் வேலை செய்யும் பெண் வந்தார். இப்போது அந்த பெண்ணே குழந்தையை பார்த்துகொள்ளவும் ஏற்பாடு செய்திருந்தான் ராம். ராமின் மீது மரியாதை யும், குழந்தை மீது ஆசையும் அந்த பெண்ணுக்கு உண்டு. நந்தாவும் ஏதும் ஆச்சேபிக்கவில்லை.

எப்போதும் காலை நேரம் வரும் அந்த பெண் இன்று கொஞ்சம் தாமதமாக வந்தாள்.
ராம் எதுவும் சொல்லவில்லை.

தனது அறையில் இருக்கும் சாய்நாற்காலியில் அமர்ந்தவன் குழந்தை தாராவை தன் மார்பின் மீது சாய்த்து கொண்டு கண்மூடி மோன நிலையில் இருந்தான். அவன் மனமோ எரிமலை குழம்பாய் தகிக்க அதன் உஷ்ணம் தாளாமல் கண்ணில் இருந்து கண்ணீர் வழிந்தது.

அம்மாவின் அரவணைப்பு இல்லாமல் இந்த பெண் குழந்தை எப்படி வளரும்?
'எனது உறவுகள் இப்படி மாறிப் போன பிறகு, தனியாக இவளை நான் எப்படி வளர்க்கப் போகிறேன்' என்ற கேள்வி அவனை பூதாகாரமாய் மிரட்டியது.

இந்த குழந்தையை பூமிக்கு கொண்டுவந்தது இவளை துன்பப்படுத்தவா.. என்று மறுகினான்.

எவ்வளவு பணம் இருந்து என்ன... ராம் போன்ற மென்மையான குணம் கொண்டு நல்ல குடும்ப சூழ்நிலையில் வளர்பவனின் மனம் இப்படித்தானே இருக்கும்?
காசை விட்டெறிந்து வேலை சாதிக்க அவன் பயிற்றுவிக்கப் படவில்லை. அதுதான் இங்கு தவறாகி போயிற்றோ?

குழந்தையும் அவனும் எப்போது தூங்கினார்கள் என்று தெரியாது. சமையல் செய்யும் பெண் இரவு உணவை தயார் செய்ய சமையல் அறைக்குள் புகுந்து கொண்டார்.

நந்தா ராமின் அறையை எட்டிப் பார்த்தவள் ஒரு தோள் குலுக்கலுடன் தன் கார் சாவியை எடுத்துக் கொண்டு வெளியே கிளம்பிச் சென்றாள்.

மாலை ஆறு மணி சுமாருக்கு வெளியே வந்தவன் குழந்தைக்கு ஆகாரம் தருமாறு வேலை செய்யும் பெண்ணிடம் சொல்லிவிட்டு,' நந்தா எங்கே' என்றான்.

அவள் வெளியே சென்றிருக்கிறாள் என்பதை அறிந்தும் அவனுக்கு ஒன்றும் தோன்றவில்லை.

அவனுக்கு ஒரு ஆறுதல் சமீப காலமாக, நந்தா வீட்டில இருக்கும் பொழுது குழந்தையை கொஞ்சம் கவனித்துக் கொள்கிறாள்.
முன்பு அளவுக்கு மோசமில்லை.

எதையோ யோசித்தவாறே, டிவி பார்த்துக்கொண்டிருந்தான்.

வேலை செய்யும் பெண் இரவு தாமதமாகிறது என்று கிளம்பிவிட்டாள். குழந்தை தொட்டிலில் விளையாடிகொண்டிருந்தது.

இரவு உணவை முடித்துவிட்டு குழந்தை அருகிலேயே தனது லேப்டாப் சகிதமாக அமர்ந்துவிட்டான் ராம். வெகு நேரம் விளையாடிய குழந்தை தூங்கிவிட, லேசாக சோம்பல் முறித்தவன், நேரத்தை பார்க்க அது இரவு பண்ணிரண்டை காட்டியது.

திட்டுகிட்டவன் நந்தாவின் எண்ணுக்கு மீண்டும் மீண்டும் அழைத்து சோர்ந்துதான் போனான். அவள் எடுக்கவில்லை.

என்ன செய்யலாம் என்று அவன் யோசித்து கொண்டிருக்க வாயில் அழைப்பு மணி ஒலித்தது.


அவசரமாக திறந்தவன் கண்ட காட்சி இதுதான்...

லேடி பவுன்சர்கள் இருவர் நந்தாவை அழைத்து வந்திருந்தார்கள்... அளவுக்கு அதிகமாய் குடித்திருந்தாள். அவளால் தன் நிலையில் நிற்க கூட முடியவில்லை.

ராம் மனதில் மீண்டும் ஒரு கேள்வி.. இந்த கல்யாணம் செய்து கொண்டதால் எனக்கு கிடைத்தது என்ன...

அந்த பெண்களின் துணையுடன் நந்தாவை அவள் அறையில் விட்டவனுக்கு தூக்கம் தொலைந்து போனது.

நந்தா ஆழ்ந்த உறக்கத்தில் ...


சிதறி கிடக்கும் சித்திர புதிர் போல் ஆனது அவன் வாழ்க்கை...
இன்னும் சியா ஷ்யாம் வாழ்க்கை எதையெல்லாம் கொடுக்க காத்திருக்கிறது?

நடுக்கத்தில் கொடியும், அதில் பூக்க காத்திருக்கும் மலருமாக.. நீ. கொடியானால்... நான் மலர் ஆவேன்!




 

Subageetha Sundararajan

Sugee
Vannangal Writer
Team
Messages
129
Reaction score
39
Points
63
கொடிமலர் 31

எப்படியோ பொறுமையாக ஒன்றரை வருஷங்களை வீட்டில் இருந்து கழித்த நந்தாவால் அதற்கு மேல் வீட்டிலிருந்தே வேலை செய்ய இயலவில்லை. வாழ்க்கையில் ஒரு சலிப்புக் கூடியது. ஆனாலும் தன்னை நிதானப்படுத்திக் கொள்ள முயற்சி செய்தாள்.

எவ்வளவோ, மனதில் ராம் தனது கணவன்,குழந்தை தாரா தன்னுடையது.. என்றெல்லாம் மீண்டும் மீண்டும் பதிவு செய்து கொண்டாலும் அவளால் முழு மனதுடன் குடும்ப வாழ்க்கையில் ஈடுபட முடியவில்லை. அவர்கள் இருவரும் பேசிக்கொண்டே ஒன்றரை வருஷங்கள் ஆகிவிட்டது. கடைசியாக குழந்தையின் முதலாம் பிறந்தநாள் அன்று ராம் அவளுடன் பேசியது தான்!

அதற்குப் பிறகு அவளை பார்ப்பதை கூட அவன் தவிர்த்து வர ஆரம்பித்து விட்டான். பெரும்பாலும் இருவரும் முகம் பார்ப்பதே கிடையாது.

குழந்தை என்ற அந்த ஒரு பந்தம் தான் இருவரையும் ஒரே வீட்டில் தங்க வைத்திருக்கிறது.
ராம் தனது எதிர்பார்ப்புகளை என்றோ குப்பைத் தொட்டியில் வீசி விட்டான்.

கல்யாண வாழ்க்கை, தனது மனைவி போன்ற அவனது அடிப்படை கனவுகள் தகர்த்து எறியப்பட்டு விட்டது. இங்கு இப்போது மீதம் இருப்பது 'தாராவின் அப்பா ராம் 'மட்டும் தான்.

கணவன் மனைவி இருவருக்குமான நெருக்கக் குறைவு கூட இருவர் மனதிலும் வெறுப்பை அதிகப்படுத்தியது. எப்போதடா இங்கிருந்து செல்வோம் என்ற எண்ணத்தில் இருந்தாள் நந்தா.

திருமணம் முறிவு பற்றி அவளுக்கு எந்த யோசனையும் இல்லை தான். அதேசமயம் வீட்டில் புறா கூண்டிற்குள் அடைந்தது போல் ஒரு தோற்றம் அவள் மனதில் வந்து கொண்டே இருந்தது.

பழையபடி தனது செலவுகளுக்கு இராமிடம் பணத்தை கொடுக்கிறாள். ராம் எதுவும் சொல்வதில்லை. "இனிமே என்னோட பேங்க் அக்கௌன்ட்க்கு ட்ரான்ஸ்பெர் பண்ணிடு " என்றுவிட்டு சென்றான்.

ஆரம்பத்தில் ராமின் ஒதுக்கம் நந்தாவின் மனதில் ஏதோ ஒரு சிறு வலியை ஏற்படுத்தினாலும் கூட பிறகு கொஞ்சம் கொஞ்சமாய் ஒரு விடுதலை உணர்வை உணரத் தொடங்கி விட்டாள்.

இரண்டு வருடம் முடியும் பொழுது நந்தா தனது அலுவலகத்தில், கேட்டு மீண்டும் அலுவலகம் செல்ல தயாரானாள்.

ஆனால் இந்த முறை ராம் எந்த மறுப்பும் சொல்லவில்லை. தாராவை அருகில் இருக்கும் கிரீச்சில் மாலை வரை பார்த்துக் கொள்ள ஏற்பாடு செய்தவன், மாலையில் சமையல்கார பெண்மணியை குழந்தையை அழைத்து வருமாறு பார்த்துக் கொண்டான்.
அவனைப் பொறுத்தவரை இந்த சூழ்நிலையை எப்படியாவது நல்லவிதமாய் கையாண்டு குழந்தையை காப்பாற்றி ஆக வேண்டும். நல்லவிதமாக வளர்க்க வேண்டும். நிச்சயம் நந்தா போன்ற ஒரு பெண்ணாக தாரா வளரவது கூடாது.அதே சமயம் தன்னையும் உணர்ச்சிவலைக்குள் விழாமல் காத்துக் கொள்ள வேண்டிய கட்டாயத்திற்கு தள்ளப்பட்டான்.

இன்னொரு புறம், ஷியாம் சியா இருவரின் காதலும் நாளுக்கு நாள் குடிகொண்டே போனதை தவிர குறையவில்லை.
சியாவை விட்டு அதிக நாட்கள் தள்ள வேண்டி வரும் பிரயாணங்களை கூட வெகுவாக குறைத்து விட்டான் ஷியாம். சியா அவனது இதயத்துடிப்பாகி போனாள். சியா ஷியாம் தம்பதி கிருஷ்ணாவிற்கு அடுத்தது இன்னொரு குழந்தை பெற்றுக் கொள்ளலாம் என்ற யோசனை செய்ய ஆரம்பிக்க, விதியோ அவர்களை பார்த்து 'அதற்கெல்லாம் நேரமில்லை 'என்று கைகொட்டி சிரித்தது.

கூர்கில் கட்டிக் கொண்டிருக்கும் அவர்களது ஒரு கட்டிடத்தை பார்த்துவிட்டு வரும் பொழுது ஷ்யாமின் கார் ஒரு மோசமான விபத்தை சந்தித்தது.
அந்த விபத்து, அது நடந்த சூழ்நிலை இது இரண்டும் சேர்ந்த அதிர்ச்சி.. ஷாம் கண்விழித்து பார்க்கவே ஒரு வாரம் ஆனது. முதுகு தண்டுவடத்தில் பலமான அடி.
ஷ்யாமின் மொத்த குடும்பமும் அவனுக்கு துணை நின்ற பொழுதும் அவனது தொழிலை பார்க்க வேண்டிய நிர்பந்தத்திற்கு உட்படுத்தப்பட்டாள் சியா.

ஷியாம் தொழில் ஆரம்பித்த பொழுதே சியா வேலைக்கு சேர்ந்துவிட்டிருந்தாள். நிறுவனம் அடைந்த ஒவ்வொரு படி வளர்ச்சியிலும் சியா நின்றிருக்கிறாள். ஷியாம், அவனது கனவு அது மற்றவர்களை விட சியாவுக்கு நன்றாக தெரியுமே!

இந்த மோசமான சூழ்நிலையில் ராம் சியா உடன் சேர்ந்து, ஷ்யாமின் தொழில் மூழ்காமல் காப்பாற்ற வேண்டிய நிர்ப்பந்தம். ராம் -ஷியாம் தொழில் கூட்டாளிகள்.

ஷ்யாம் வீட்டில் குழந்தை தாராவுடன் வந்து அங்கேயே தங்கும்படி ஷ்யாம்மின் வீட்டு பெரியவர்கள் சொல்ல, அதற்கு பலமாக மறுத்தவன், மும்பையில் இருந்து தனது தாயை அழைத்து வந்து விட்டான்.

நந்தா பகல் நேரங்களில் அலுவலகம் சென்று விடுவதால், வேறு வழியும் இல்லாத நேரத்தில் ராமின் அம்மா வந்து தாராவை பார்த்துக்கொண்டார். ஒரு விதத்தில் பேத்தியுடன் நேரம் கழிப்பதற்கு இப்படியாவது ஒரு வாய்ப்பு கிடைத்தது என்று அவருக்கு சந்தோசம் தான்!

ஏறத்தாழ மூன்று மாதங்கள்..
ஷ்யாம் படுக்கையிலிருந்து எழுவதற்கே ஆனது.

ஆனால் இந்த மூன்று மாதங்களும்,சியா ராம் இருவரையும் சேர்த்து பார்க்கும் பொழுது ஷ்யாம் மனதில் பெயரிடப்படாத ஏதோ ஒரு உணர்வு எழும்பியது. அவனால் அதை புரிந்து கொள்ள இயலவில்லை.

அது நல்லதர்க்கா.. எப்படி.. என்றெல்லாம் காலம் தான் சொல்ல வேண்டும்.
அவனுக்கு நன்றாக புரிகிறது சியாவும் சரி ராமும் சரி,தனக்கு நல்லது செய்வதற்காக தான் இவ்வளவு போராடிக் கொண்டிருக்கிறார்கள் என்று.

அவன் முழுமையாக குணமாகி அலுவலகம் வருவதற்கு ஆறு மாதங்கள்.. இந்த ஆறு மாதங்களும் எப்படி சியா போராடினாள் என்று வார்த்தைகளால் எழுத முடியாது.
வீட்டை, கணவனை, குழந்தையை இத்துடன் தொழிலை ஒரு நிமிர்வுடன் அயராமல் எதுவும் குறையாமல் கவனித்த போராளி சியாவை ராமுக்கு அவ்வளவு பிடித்தது.இந்த பரிமாணம் பெண்களிடம் மட்டும் காணப்படும் அரிதான ஒன்று என நினைத்தவன் தாராவை வளர்ப்பது தனக்கும் கஷ்டமானதாக இருக்காது என்று தைரியம் கொண்டான்.

இவ்வளவு வருஷங்களாய் ஒரு தோழியாய் மட்டுமே சியாவை அவன் கண்டிருக்கிறான். அவளுக்குள் இவ்வளவு சக்தியா.. என்று வியந்து போனான் ராம்!

ஆறு நெடும் மாதங்கள் முடிந்த பிறகு,உடல் நிலை தேறிய நிலையில் மீண்டும் தொழிலை கையில் எடுத்துக் கொண்டான் ஷியாம். திரும்ப வரும் பொழுது எந்த தொய்வும் இல்லாமல் நடந்து கொண்டிருக்கும் தொழிலை பார்க்கும்பொழுது சியா மீதும் ராம் மீதும் பெருமதிப்பும் உண்டானது அவன் மனதில்.

இரவின் தனிமை மனைவியின் அருகாமை, கூடலை எதிர்பார்க்க அவன் மனைவியோ அவன் அருகில் வரவே இல்லை. ஏறத் தாழ ஒரு வாரம் அவன் நேரடியாகவே அழைப்பு விடுத்தும் கூட அவள் மனம் கனியவில்லை.

ஷ்யாம் மனதில் 'சுருக் ' என்று வலி. 'என்னவாயிற்று இவளுக்கு' என்று குழம்பி தவித்தான்.

இளமையின் தேவை அவனை அழைக்க, மனைவி மீது கோவமாய் வந்தது.

மோகமும் காதலுமாய் அவன் காத்து நிற்க மனைவியின் புறக்கணிப்பு ஆணாக அவனை தாக்கியது.

அவளிடம் நேராக கேட்க அவன் முடிவெடுக்க, அதற்கு முன் மருத்துவர் ஏதேனும் சொல்லி இருக்கிறாரா.. அதனால் தான் விலகி நிற்கிறாளா.. என்ற எண்ணம்.

முதலில் ரெவியூ போய் வரலாம். பிறகு மனைவியிடம் பேசலாம் என்று முடிவெடுத்தான் ஷ்யாம்.

மருத்துவ மனைக்கு செல்ல இன்னும் ஒரு வாரம் இருக்க, அவனது உடல் தேவை அவனை துன்பம் செய்தது.

அன்று இரவு. சியா அவனுக்கு மருந்து எடுத்து வைக்க வந்தவளை தன் நிலை மறக்க செய்து வசியம் செய்தான் ஷ்யாம்.

அவன் கைகளும், உதடுகளும் காட்டிய சொர்க பட்டினத்தில் ராணியாய் வலம் செய்தாள் சியா.

அவள் உடல் கணவன் கேட்கும் பதிலை தாராளமாய் கொடுத்தது..
இதோ.. இதைத் தான் இவ்வளவு நாளாய் எதிர்பார்த்து ஏங்கி தவித்தான் ஷ்யாம்.. மனைவியின் ஸ்பரிசம் அவனுக்குள் ஏதோ செய்தது.
உணர்ச்சி பிழம்பாக, செம்மை பூசிய தீயாக ஜொலித்தாள் சியா.

தன்னை மறந்து, தன்னிலை கெட்டு நிற்கும் மனைவியை உடனே பெண்டாள அவன் மனம் துடிக்க, அவளை இதழ் சிறை பிடித்தவனுக்கு உடலின் இரத்த நாளங்கள் முறுக்கேறி அடுத்த கட்டத்திற்கு அழைத்து சென்றது.

அவனை நெருக்கத்தில் பார்த்த சியா அவனது மாற்றங்களை தெளிவாகவே உணர்ந்தாள்.

அவன் உடல் அதிகமாக வியர்த்து கொட்ட இதயம் வேகமாக துடிப்பது போல் இருந்தது.

தன் தவறை முழுவதும் உணர்ந்த சியா கண்கள் வேதனை தாளாமல் சிவப்பேறியது. கண்கள் நிற்காமல் நீரை கொட்ட ஆம்புலன்ஸ் வர செய்தாள்.

இருப்பத்து நான்கு மணி நேரம் கண்காணிப்பில் இருந்த ஷ்யாம் ஒருவாறாக தேறினான்.

இன்னோர் முறை இது போல் முயற்சி செய்து ஷ்யாமின் உடல் நிலையை மோசமாக்க வேண்டாம் என்று எச்சரித்தார் மருத்துவர்.

கணவனின் நிலை தெரிந்தும் அவனின் அருகாமை கொடுத்த போதையில் குழைந்து, இணைய துடித்த தன் நிலையை அறவே வெறுத்தாள்.

மருத்துவர் விஷயத்தை சியாமிடமும் சொல்லிவிட்டார், " நீங்க இனிமே செக்ஸ் வச்சுக்க ஆசைப்பட்டால் உங்க உடம்பு நிலைமை ரொம்ப மோசமா ஆயிடும் ஷ்யாம் , பி கேர்ஃபுல். மெடிசன்சும் தவறாமல் எடுத்துக்கோங்க.. உங்க வைஃப் கிட்டயும் சொல்லிட்டோம்."

தன் மனைவி, தன் கைகளில் துவண்ட நிலையை யோசித்தவனுக்கு தன் மீது அருவருப்புதான் வந்தது.
ஒரு ஆணாக அவனுக்கு இது ஒரு பலத்த அடி. அனுசரணையான மனைவி கிடைத்தும் அவளுக்கு கட்டில் இன்பம் வழங்க முடியாது என்பது அவனை பொறுத்தவரை மரண தண்டனைக்கும் இதற்கும் ஒன்றும் பெரிதாக வித்தியாசம் இல்லை.

அத்துடன் மனைவியை அருகில் காணும் போது அவன் தன் கட்டுப்பாட்டை இழக்கிறான். அவனை மீறி அவனது உடலின் ஒவ்வொரு அணுவும் அவளை அணைக்க, அவளின் இதழ் புசிக்க தவிக்கிறதே.. "என்று மறுகினான்.

படிக்கும் நமக்கு வேண்டுமானால், இதுவெல்லாம் என்ன பெரிய விஷயமா... செக்ஸ் இல்லாமல் கணவன் மனைவி வாழ முடியாதா என்று தோன்றலாம். ஆனால் நிதர்சனத்தில் திருமண வாழ்வில் வெற்றியை நிர்ணயிக்கும் காரணிகளில் ஒன்றாக தாம்பத்திய உறவு இருக்கிறது என்பது மறுக்க முடியாத உண்மை.

ஆணாக பிறந்தவன், தன்னை ஒரு ஆணாக கர்வம் கொள்ள செய்யும் நிகழ்வு, தன் ஆண்மையை நிரூபிக்க கூடிய விஷயமாக கருதுவது இதையும் தான்!

சியா, அவளை நினைத்து ஷியாம் மனம் அழுதது.

சியாமை டிஸ்சார்ஜ் செய்து வீட்டிற்கு கூட்டி வந்தாள். வேலையாட்கள் யாரையும் துணைக்கு வைத்துக் கொள்ளாமல் ஷ்யாம்மின் அறையில் இருக்கும் தனது பொருட்களை இன்னொரு அறைக்கு மாற்றிக் கொண்டாள். கட்டிலில் அமர்ந்து கொண்டு அவள் செய்பவற்றை அமைதியாக கைகட்டி பார்க்கும் நிலையில் இருந்தான் ஷ்யாம்.

அவனுக்கு தெரியும் சியா செய்யும் ஒவ்வொரு விஷயமும் தனக்காக தான் என்று. ஆனாலும் தன் கையாலாகாதனத்தை எண்ணி கோவம் வந்தது.

"அப்போ, நான் இனிமேல் பெயரளவுக்குத்தான் இவளுக்கு புருஷனா.. வெளிப்பார்வைக்கு மட்டும்தான் நான் ஆம்பளையா.. போன்ற கேள்விகள் அவனுக்கு மன அழுத்தத்தை உண்டு பண்ணியது.

இது போன்ற ஒரு சூழ்நிலையில் அவனை தள்ளக்கூடாது என்று தான் சியா ஆரம்ப கட்டத்தில் இந்த விஷயத்தை எதுவும் சொல்லவில்லை. ஆனால் இன்று விஷயம் கை மீறி சென்றதால் மருத்துவரே நேரடியாக சொல்லிவிட்டார்.

நாளாக ஆக சியாம் மனதில் நம்பிக்கை குறைய தொடங்கி விட்டது. சியா அவனை தனியாக விடாமல், வெகு கவனமாக பார்த்துக் கொண்டாள். கிருஷ்ணா இப்போது பள்ளிக்குச் செல்ல தொடங்கி விட்டதால் சியா ஷியாம் உடன் அலுவலகம் சென்று வருகிறாள்.

ஆனால் அவர்கள் இருவரிடமும் இருந்த பிரத்யேகம் இப்போது காணாமல் போயிருந்தது. ஷியாம் தனது இயலாமையை சியாவிடம் காட்டத் தொடங்கி இருந்தான்.
அலுவலகத்தில் கூட, சியாவை மற்றவர்கள் முன்னால் கடிந்து கொண்டான்.
ஷ்யாமின் நிலை தெரிந்ததுனாலயே அவள் எல்லாவற்றையும் பொறுத்துக் கொண்டாள். அவன் உடல் நிலை இனி வேறு விதமாக மாறுவதற்கு சாத்தியங்கள் இல்லை. ஆரம்பகட்ட அதிர்ச்சிகளில் அவன் செய்யும் ஆர்ப்பரிப்புகளை பொறுத்துக் கொள்ள வேண்டும் என்று தனக்கு தானே சொல்லிக் கொண்டாள்.

ஒருமுறை ஷியாமின் அலுவலகத்திற்கு ராம் வரும் பொழுது, முதலில் ராம் சியாவின் அறைக்குள் சென்று பேசிவிட்டு வந்தான்.
ஷ்யாமின் கழுகு கண்கள் இவர்கள் இருவரையும் ஒரு வன்மத்துடன் பார்த்தது.

விளைவு...






 

Subageetha Sundararajan

Sugee
Vannangal Writer
Team
Messages
129
Reaction score
39
Points
63

ஷ்யாம்... அவன் எவ்வளவு மென்மையானவனாக இருந்தானோ அவ்வளவு கடினம் ஆகி போனான். இந்த காலகட்டத்தில் சியாவால் அவனை நெருங்கவே முடியவில்லை. எப்பொழுதுமே ருத்ரனாகவே இருந்தான். அவனது காதல் கானல் நீராக ஆகி போயிற்று.

"இது ஒரு சிறு விஷயம் உடம்பில் ஏற்பட்டிருக்கும் ஒரு தாக்கம், இவ்வளவு சீக்கிரம் மனிதனின் இயல்பை மாற்றி விட முடியுமா"என்று தவித்தாள் சியா. ஷ்யாம் அவன்
ஸியாவை கண்டாலே வெறுப்பை மட்டும் உமிழ்ந்தான்.

இன்னும் சொல்லப்போனால் அவள் முகம் அவனது கையாலாக தனத்தை கண்ணாடி போல் காட்டுவதாக தோன்றிய உணர்வு தான் அவள் மீதான கோபம்,வெறுப்பு எல்லாவற்றுக்கும் அடிப்படை.

தனிமையில் தனது அறையில் இரவு நேரங்களை கடக்கையில் அவனையும் அறியாமல் விசும்பல் வெளிப்படுகிறது. கடைசியாக சியாவை அணைத்து முத்தம் இட்டதும், அவன் உணர்வுகள் மொத்தமாக அணைந்து போனதுவும்...
நிச்சயம் அதற்கு காரணம் சியாதான்.
ஆனால், அவன் கண்ணீர் சியாவை அணைக்க முடியாததாலா, இல்லை அவளை வறுத்தெடுக்கும் குற்ற உணர்ச்சியாலா.. இதற்கு நிச்சயம் ஷாயாம் தான் விடை சொல்லி ஆக வேண்டும்.

இத்தனை நாட்களாக நந்தா மட்டும் செய்து கொண்டிருந்த ஒரு விஷயத்தை இப்போது சியாமும் மனதளவில் செய்ய ஆரம்பித்து விட்டான்.
ஆம், அவனது மனம் ராம்-சியா இருவரையும் ஜோடி சேர்த்து பார்த்து கோவம் கொண்டது.
மனைவி நந்தா சரியில்லாமல் போகவே, இடம் வலம் பாராமல் ஓடத் தொடங்கி விட்டது.

வீட்டில் அமைதி என்பது சுத்தமாக இல்லை. ஷ்யாம் அவனது உறவினர்கள் இப்போது யாரும் பெங்களூருவில் இல்லை. அவரவர் தொழிலை பார்க்க வேண்டும் என்று எப்போதோ கிளம்பி விட்டார்கள்.

வீட்டில் சதா சர்வ காலமும் சியாவை சண்டைக்கு இழுத்து அவளை கதற விடுவதை தனது முக்கிய வேலை ஆக்கிக் கொண்டான் ஷ்யாம்.
அலுவலகத்தில் அனைவரும் முன்னாலேயும் அவளை அவமானம் செய்தான்.
பலமுறை கண்ணீரை உள் இழுத்துக் கொள்ளும் சியா.. சில சமயங்களில் தன்னையும் மீறி அழுது விடுகிறாள்.
அதற்கும் அவனிடம் இருந்து " நடிக்காத சியா " என்று திட்டு தான் விழுகிறது. போடாத குறைக்கு சுற்றி இருப்பவரின் பரிதாப பார்வைகள் அவளை கூறு போட்டு தின்றது.
எவ்வளவோ முயன்றும் அவளால் இந்த சூழ்நிலைகளை ஜீரணிக்க முடியவில்லை.

ஆரம்பத்தில் விஷயம் தெரிந்த அதிர்ச்சியில் இவ்வாறு நடந்து கொள்கிறான். நாட்பட்ட நாளில் எல்லாம் சரியாகிவிடும் என்று நினைத்திருந்தவளுக்கு கிடைத்ததெல்லாம் மேன்மேலும் அதிர்ச்சிகள் தான்!
ஷ்யாம் தனது கடின தன்மையையும் இவள் மீதான எதிர்மறை எண்ணங்களையும் வளர்த்துக் கொண்டு இவளை வதைத்தானே தவிர தன்னை மாற்றிக் கொள்ள முனையவில்லை.

ஒரே ஒரு ஆறுதல் என்னவென்றால் குழந்தை கிருஷ்ணாவிடம் மட்டும் எப்போதும் புன்னகை முகம் தான்! உண்மையை சொல்லப்போனால் கிருஷ்ணாவின்
தொடுகை மட்டுமே அவனை குளிர்வித்தது.

ஒரு சில முறை இராமின் முன்னாலேயே வேண்டுமென்றே சியாவை கண்ணீர் உகுக்கச் செய்தான் ஷியாம்.

ராமிற்கும் நன்றாக புரிந்தது. வேண்டுமென்றே தன் முன்னால் இவ்வாறு நடந்து கொள்வதற்கான காரணம் என்ன என்று தான் அவனால் உணர முடியவில்லை.

ஷ்யாம் உடல்நிலை பற்றி ராமிற்கும் வேறு யாருக்கும் இன்று வரை தெரியாது. அது தெரிந்திருந்தால் தான் ஏதேனும் முயற்சி செய்திருப்பான், ஷ்யாமை இந்த மன அழுத்தத்திலிருந்து வெளியே கொண்டு வருவதற்கு.

ஒரு ஆணாக இருந்து பார்த்தால் தான் புரியும்.. ஷ்யாம் எப்பேர்பட்ட வரியில் சிக்கிக் கொண்டிருக்கிறான் என்று. அத்துடன் அவன் அனுபவிக்கும்ஆழ்மன அழுத்தம்.

ஷியாமின் முகத்தை பார்க்கவே பயம் கொண்டாள் சியா. இப்படிப்பட்ட நரகம் தனக்காக காத்திருக்கிறது என்று அவர் சத்தியமாக எதிர்பார்த்து இருக்கவில்லை.

அலுவலகத்தில் இதற்கு மேல் அவமானப்பட வேண்டாம் என்று எண்ணியவளாக வேலையை ராஜினாமா செய்து விட்டாள் பெண்.
முன்பாக இருந்திருந்தால், ஷ்யாம் அவ்வளவு எளிதில் ராஜினாமாவை ஏற்றுக் கொண்டிருக்க மாட்டான். ஆனால் இப்பொழுது நக்கலாக ஒரு பார்வை பார்த்தபடிக்கு, அவளது ராஜினாமா கடிதத்தில் கையெழுத்து இட்டுவிட்டான்.

வீட்டில் குழந்தை கிருஷ்ணாவை கவனிப்பது மட்டுமே அவளது முழு வேலையானது .

தனது மாமியாரிடம் பேசும் போது, குழந்தைக்காக வேலையை விட்டு விட்டதாக சொல்லி சிரித்தாள் சியா. இவளது இந்த முடிவில் அவள் மாமியார் வீட்டில் மிகுந்த மகிழ்ச்சியே!

ஆனால், ஷியாமின் உடல் நிலை பற்றி தெரிந்த அவன் அப்பா அண்ணன் இருவருக்கும் சியாவின் இந்த முடிவு பற்றி அதிர்ச்சியும், ஆச்சரியமும் கலந்த உணர்வு.

தன் மனைவியை ஒரு நொடி கூட பிரிந்திருக்க விரும்பாத ஷ்யாம் அவளது இவ்வளவு பெரிய முடிவுக்கு உட்பட்டிருக்கிறான் என்றால் அவர்களுக்குள் இருக்கும் பிரச்சனை.. அது பற்றி வயதில் மூத்தவரான ஷாமின் அப்பாவிற்கு நன்றாகவே புரிந்தது.
தேவையில்லாமல் மனதை குழப்பிக் கொள்ள வேண்டாம் என்று பெரியவர் எவ்வளவு முயன்றும் கூட அவரால் அமைதியாக இருக்க முடியவில்லை.

ஷியாம், அவனது குணம், பிடிவாதம் எல்லாம் அவருக்கு அத்துப்படி.

ஒருமுறை ஷாமின் வீட்டிற்குச் சென்று ஒரு வாரம் தங்கி இருந்து நிலவரத்தை கண்டுபிடிக்கலாம் என்று முடிவு செய்து
ஒரு வாரம் தொழிலை பார்த்துக் கொள்வதற்கு தன் தம்பியிடமும் மகனிடமும் சொல்லிவிட்டு,ஷ்யாம் மின் வீட்டிற்கு தன் மனைவியுடன் கிளம்பியும் விட்டார்.

ஷ்யாம்மின் வீட்டில் மாமனார் மாமியார் இருவரையும் சியா அன்பாகவே கவனித்துக் கொண்டாள். தங்கள் இருவருக்கும் இடையே இருக்கும் மன வேறுபாட்டை மறந்தும் அவள் காண்பிக்கவில்லை.
ஆனால் ஷியாம்..
அவன் யாருக்காகவும் கூட நடிக்க விரும்பவில்லை. வெளிப்படையாகவே சியா மீதான தனது உணர்வுகளை காண்பிக்க தொடங்கி விட்டான்.
அவனைப் பெற்றவர்கள் இருவருக்கும் கூட இந்தச் சூழலை எப்படி கையாள்வது என்று புரியவில்லை.

இரவு நேரங்களில் தனியாக சோபாவில் அமர்ந்து அழுது கொண்டிருக்கும் மருமகளை தேற்றும் வகையும் தெரியவில்லை.
"யார் கண் பட்டாதோ" என இருவரும் தவித்தார்கள்.

ராம் வீட்டில், தனது மகளுக்கு பேறுகாலம் என்று சொல்லி ராமின் அம்மா மும்பை கிளம்பி சென்றுவிட்டாள். ஷ்யாமின் நிறுவன பிரச்சனைகள் இப்போது அவன் திரும்பி வந்த பிறகு, சீராகி விட்ட நிலையில் இனி அடிக்கடி தானாக போக வேண்டாம் என்று எண்ணியவன், சியாம் அலுவலகத்திற்கு செல்வதை குறைத்துக் கொண்டு விட்டான்.

நாட்களும் பழையபடி ஓடத் தொடங்கி விட்டது. தாரா க்ரீச், பிறகு வீடு என்று தன்னை பழக்கிக் கொண்டாள்.

இரவு நந்தா, ராம் இருவரில் யார் சீக்கிரம் வந்து விட்டாலும், அவர்களின் பொறுப்பில் குழந்தையை விட்டுவிட்டு, குழந்தையை பார்த்துக் கொள்ளும் பெண் கிளம்பி விடுவார்.

எல்லாம் ஓரளவிற்கு சுமாராக போய் கொண்டிருக்க, நந்தா அலுவலத்தில் அவளை மூன்று ஆண்டுகளுக்கு ஆஸ்திரெலியா செல்ல ப்ரோமோஷனுடன் கூடிய வாய்ப்பு முன்வைக்க பட்டது.

வழக்கம் போல் அவள் மனதில் குழப்ப அலைகள். ஏற்கனவே சலிப்பில் இருந்தவளுக்கு இந்த வாய்ப்பை இழக்க மனமில்லை.

அவளுக்கு தாரா பற்றி எல்லாம் எந்த கவலையும் இருந்திருக்கவில்லை. ஆனால் ராம் என்ன சொல்வானோ.. இதற்கு அனுமதிக்க மாட்டான் என்று நிச்சயம் அவளுக்கும் தெரியும்.

எதையோ நினைத்து கணக்கு போட்டவளாக அவள் அனுகியது வழக்குறைஞர் ஒருவரை.

ராமிடமிருந்து நிரந்தரமாக பிரிய அவள் தயாராகி விட்டாள். குழந்தை பொறுப்பை குழந்தையின் தந்தையை எடுத்துக் கொள்ளட்டும் தனக்கு எந்த ஆச்சேபனையும் இல்லை என்றும் விவாகரத்து பத்திரத்தில் அவள் தெளிவாக குறிப்பிட்டிருந்தாள்.

இவளது வார்த்தைகளை கேட்டுக் கொண்டிருந்த வழக்குறைஞர் மனதில் இவள் மீதான ஆச்சரியம் கூடிக் கொண்டேன் சென்றது.

அவளிடம் சிறிது நேரம் பேசிக் கொண்டிருந்தவருக்கு, ஆயாசம் மிச்சம். எப்படியோ போகட்டும்..தனக்கு ஒரு கேஸ் கிடைத்தது என்று அவரால் எண்ண முடியவில்லை.
முடிந்தவரை இவங்களுக்கு நல்ல வார்த்தை கூறி பார்த்தால் இவளும் அசைவதாக இல்லை. வேறு வழி இன்றி பாத்திரத்தில் தயார் செய்து கொடுத்தார். அவர் முன்னாலேயே தனது கையெழுத்தை இட்டவள், அன்று இரவே ராமிடம் கையெழுத்து வாங்க தயாராகினாள்.

மிகுந்த களைப்புடன் வீட்டிற்கு வந்த ராமுக்கு அடுத்த கட்ட நிச்சயம் அதிர்ச்சி தான் இது.

எந்த காதலையும் திருமண பந்தத்தையும், நிரந்தரப் படுத்திக் கொள்வதற்காக இத்தனை நாள் அவன் பாடுபட்டானோ.. அதற்கு இன்று அர்த்தம் இல்லாமல் போய்விட்டது.

சற்று நேரம் அமைதியாக இருந்தவன்,
" இப்போ உனக்கு எதுக்கு நந்தா டிவோர்ஸ்?
உனக்கு சொத்து, பணம் வேணுமா... என்னோட எல்லா ப்ரொபேர்ட்டிஸ்சும் உனக்கும் தாராவுக்கும் தானே.. இன்னும் எதை எதிர்பாக்குறே"..
அவனது கேள்வி முடிவதற்குள்ளையே அவனது கண்கள் கண்ணீர் சிந்தியது. அவன் முகம் அப்பட்டமாய் ஏமாற்றத்தை காட்டியது.
ஆனால் இதற்கெல்லாம் மனம் மாறுபவளாக நந்தா இல்லை.

"உனக்கு நிச்சயம் நான் என்ன நினைக்கிறேன் என்று புரியாது ராம். ஐ நீட் எ ஸ்பேஸ். ஆரம்பத்தில் இருந்து எனக்கு இந்த கல்யாணம் இதெல்லாம் நம்பிக்கை இல்லை. யூ போர்ஸ்ட் மீ டு மேரி யூ "

சிறிது இடைவெளி விட்டு மீண்டும் தொடர்ந்தாள்.

"எனக்கு எதையாவது சாதிக்கனும். கல்யாணம், கணவர் குழந்தை அப்படி எல்லாம் என்னுடைய வட்டத்தை சுருக்கிக்க என்னால முடியாது. நான் அந்த மேக்கே இல்லை."

"நம்ம ரெண்டு பேர் லைஃபும் எப்பவுமே மேட்ச் ஆகாது ராம்.
நீ ரொம்ப நல்லவன் நான் உன்ன குறை சொல்ல மாட்டேன். பட் இனிமே என்னால இங்க இருக்க முடியாது.
சைன் பண்ணிடு ப்ளீஸ்"
"எனக்கு உன்னோட எதுவும் வேணாம். இட் இன்க்ளுட்ஸ் தாரா... அண்ட் ஐ ரியலி மீன் இட் " என்று முடித்து விட்டாள்.

ராமுக்கு கடைசியாக தெளிவாகப் புரிந்த ஒன்று... இனி இவளை இங்கு பிடித்து வைக்க முடியாது

அழுந்த தனது முகத்தை துடைத்துக் கொண்டவன், அவள் கேட்ட கையெழுத்தை போட்டு விவாகரத்து பத்திரத்தை அவளிடமே கொடுத்துவிட்டு தன் அறைக்குள் சென்று விட்டான்.

தாரா அவனது அருகில் தூங்கிக் கொண்டிருந்தாள். இரவு உறக்கத்தை அவனால் தழுவ முடியவில்லை. அடுத்து என்ன என்பது அவனுக்கு புரியவில்லை.
பெண் குழந்தையை அம்மாவின் நிழல் இல்லாமல் எவ்வாறு வளர்க்க முடியும் என்ற மலைப்பு அவனுக்கு.

அன்று இரவே தனது எல்லா பொருட்களையும், பேக் செய்து கொண்டவள், அடுத்த நாள் காலையில், ராமிடம் ஓரிரு நாட்களில் ஒரு இடம் பார்த்து சென்று விடுவதாக சொல்லிவிட்டாள்.
அன்று இரவு அவள் வீட்டிற்கு வரவில்லை. அடுத்த நாள் காலை, ராமுக்கு அழைத்தவள் பத்து மணி சுமாருக்கு வந்து தனது பொருட்கள் எடுத்துக் கொள்வதாகச் சொன்னாள்.

ராம் சரி என்று விட்டான். தாராவை வழக்கம் போல் க்ரீச்சில் விட்டவன் தனது முன்னாள் மனைவிக்காக காத்திருந்தான்.

அவளும் வந்தாள்.. தன்னுடைய எல்லாவற்றையும் எடுத்துச் சென்றாள்.. முக்கியமான இரண்டையும் விட்டுவிட்டாள்.

இரண்டு நாட்களாக ராம் அனுபவித்த தவிப்பும், பாரமும் நிச்சயம் இப்போது இல்லை.

இனி இப்படித்தான் வாழ்க்கை என்று தன்னையும் தேற்றிக் கொண்டான்.

தனது பெற்றோருக்கும் அழைத்து சொல்லிவிட்டான். அவர்கள் மனதில் கவலையும் மகிழ்ச்சியும் சேர்ந்த கலவையான உணர்வு.

நந்தா வீட்டை விட்டு சென்ற விஷயம், ஷ்யாம் காதுகளையும் எட்டி விட்டது.

இனி...


 
Status
Not open for further replies.
Top Bottom